آٹھ سو پچاس کروڑ روڑ کا فیلکن گھوٹالا: دبئی فرار ہونے والا جیٹ حیدرآباد ایئرپورٹ پر ضبط

850 کروڑ کا فیلکن گھوٹالا! پونزی اسکیم کے ماسٹر مائنڈ امر دیپ کمار کا پرائیویٹ جیٹ، جس سے وہ دبئی فرار ہوا، حیدرآباد ایئرپورٹ پر ای ڈی نے ضبط کر لیا!

ای ڈی نے حیدرآباد ایئرپورٹ پر ایک بڑی کارروائی کرتے ہوئے فیلکن گھوٹالے سے جڑے ایک پرائیویٹ جیٹ کو ضبط کر لیا ہے۔ یہ کارروائی جمعہ کے روز کی گئی، جس میں 850 کروڑ روپے کے اس گھوٹالے سے متعلق ایک خصوصی طیارہ “ہاکر 800A جیٹ” (N935H) ضبط کیا گیا۔

تفصیلات کے مطابق، اس جیٹ کا تعلق فیلکن گھوٹالے کے مرکزی ملزم امردیپ کمار سے ہے، جو 22 جنوری کو اسی طیارے کے ذریعے دبئی فرار ہو گیا تھا۔ تحقیقات کے دوران یہ ثابت ہوا کہ یہ جیٹ امردیپ کمار کے زیرِ ملکیت تھا اور وہ اس کے اصل فائدہ اٹھانے والے مالک تھے۔

یہ طیارہ 2024 میں “پریسٹیج جیٹس انک” کے ذریعے 1.6 ملین ڈالر (تقریباً 14 کروڑ روپے) میں خریدا گیا تھا، اور ای ڈی کا دعویٰ ہے کہ اس کی خریداری کے لیے فیلکن گروپ کی پونزی اسکیم میں حاصل کی گئی رقم کا استعمال کیا گیا۔ جیسے ہی یہ طیارہ شمشاد آباد پہنچا، ای ڈی نے فوری طور پر اسے ضبط کر لیا اور اس کے عملے سے تفتیش کی۔

فیلکن گروپ نے سرمایہ کاروں سے 1,700 کروڑ روپے جمع کیے، جس میں انہیں زیادہ منافع کا لالچ دیا گیا تھا۔ کمپنی نے 850 کروڑ روپے واپس کیے، لیکن 6,979 سرمایہ کاروں کو ادائیگی نہیں کی گئی۔ کمپنی کے چیئرمین اور منیجنگ ڈائریکٹر امردیپ کمار اب بھی مفرور ہیں۔

اس سے قبل، 15 فروری کو سائبرآباد پولیس نے فیلکن کیپٹل وینچرز کے نائب صدر پون کمار اوڈیلا اور ڈائریکٹر کاویا نلوری کو گرفتار کیا تھا۔