اردو کے معروف شاعر و ادیب راشد طراز کا انتقال

اردو کے معروف شاعر و ادیب راشد طراز آج انتقال کر گئے۔ وہ نثر و نظم دونوں میں نمایاں مقام رکھتے تھے اور ’’شہر منافق‘‘، ’’کاسۂ شب‘‘، ’’ستارۂ شکستہ‘‘ سمیت کئی اہم کتابوں کے خالق تھے۔

منگیر، بہار – 4 مارچ 2025: اردو زبان کے مشہور شاعر و ادیب راشد طراز آج انتقال کر گئے۔ وہ 8 نومبر 1958 کو منگیر، بہار میں پیدا ہوئے تھے اور اپنی زندگی میں اردو ادب کے لیے بیش بہا خدمات انجام دیں۔

راشد طراز نے نثر اور نظم، دونوں شعبوں میں اپنی تخلیقی صلاحیتوں کا لوہا منوایا۔ ان کی شاعری اور نثری تخلیقات نے اردو ادب میں ایک منفرد مقام حاصل کیا۔ ان کی چند معروف کتابیں’’شہر منافق‘‘، ’’کاسۂ شب’’، ’’ستارۂ شکستہ‘‘، ’’غبار آشنا‘‘، ’’گردش ناتمام‘‘، ’’جہاں تک روشنی ہوگی‘‘ اور ’’صبح ازل‘‘ شامل ہیں، جو قارئین میں بے حد مقبول رہیں۔

ان کے انتقال کی خبر سن کر اردو ادبی حلقوں میں گہرے رنج و غم کا اظہار کیا جا رہا ہے۔ ان کی وفات سے اردو دنیا ایک بڑے تخلیقی ذہن سے محروم ہوگئی ہے۔ اللہ تعالیٰ انہیں جوارِ رحمت میں جگہ عطا فرمائے۔