نیتن یاہو کا دعویٰ:حماس رہنما محمد سنوار مبینہ طور پر اسرائیلی کارروائی میں مارے گئے

نیتن یاہو نے دعویٰ کیا ہے کہ اسرائیل نے ممکنہ طور پر حماس رہنما محمد سنوار کو ہلاک کر دیا ہے، اور قلیل مدتی جنگ بندی و یرغمالیوں کے تبادلے پر بات چیت کے لیے تیار ہے۔

اسرائیلی وزیر اعظم بنیامن نیتن یاہو نے کہا ہے کہ اسرائیلی فورسز نے ممکنہ طور پر حماس کے ایک اہم رہنما محمد سنوار کو ہلاک کر دیا ہے، جو حماس کے معروف رہنما یحییٰ سنوار کے چھوٹے بھائی ہیں۔ تاہم ان کی ہلاکت کی حتمی تصدیق ابھی باقی ہے۔اپنے تازہ بیان میں نیتن یاہو نے اس بات کا عندیہ بھی دیا کہ اسرائیل قلیل مدتی جنگ بندی اور قیدیوں کے تبادلے کے کسی معاہدے پر بات چیت کے لیے تیار ہے۔ ان کا کہنا تھا کہ حماس کے قبضے میں موجود 20 یرغمالیوں کے زندہ ہونے کی امید اب بھی باقی ہے، جب کہ تقریباً 30 مغوی ہلاک ہو چکے ہیں۔
انھوں نے زور دیتے ہوئے کہا کہ اسرائیل کا مقصد حماس کو شکست دینا ہے، جسے وہ ایک جائز اور واضح ہدف قرار دیتے ہیں۔ نیتن یاہو کے مطابق، اسرائیلی فوج نے غزہ میں کئی عسکریت پسندوں اور ان کے نیٹ ورکس کو تباہ کر دیا ہے اور اس مشن کو مکمل کرنے کے لیے ایک منظم منصوبہ موجود ہے۔نیتن یاہو نے کہا، “ہم اپنے مقاصد کے حصول تک پیچھے نہیں ہٹیں گے۔ ہمارا مشن ابھی مکمل نہیں ہوا۔