خوفناک بس حادثہ۔الکنندا کے تیزبہاؤ میں بہے مسافر،ریسکیوآپریشن جاری

اتراکھنڈ کے رودرپریاگ میں ایک بس الکنندا ندی میں گر گئی، 7 افراد کو بچا لیا گیا جب کہ 11 لاپتہ ہیں، جن کی تلاش جاری ہے۔

اتراکھنڈ کے ضلع رودر پریاگ کے گھولتیڑ علاقے میں ایک بس کے الکنندا ندی میں گرنے کا افسوسناک واقعہ پیش آیا۔ اطلاعات کے مطابق حادثے کے وقت بس میں 18 مسافر سوار تھے۔ حادثے کی اطلاع ملتے ہی ایس ڈی آر ایف اور مقامی پولیس نے فوری طور پر ریسکیو آپریشن شروع کر دیا۔اب تک کی اطلاعات کے مطابق، 18 میں سے 7 افراد کو بحفاظت نکال لیا گیا ہے، جب کہ 11 افراد اب بھی لاپتہ ہیں۔ ان کی تلاش کے لیے ریسکیو ٹیمیں پوری کوشش کر رہی ہیں۔ اس حادثے میں ایک شخص کے جاں بحق ہونے کی بھی خبر ہے۔گزشتہ چند دنوں سے کیدارناتھ اور رودرپریاگ کے مختلف علاقوں میں شدید بارش ہو رہی ہے، جس کے باعث الکنندا ندی کا بہاؤ بھی بہت تیز ہو چکا ہے۔ خدشہ ہے کہ حادثے کے وقت کچھ مسافر ندی کے تیز بہاؤ میں بہہ گئے ہوں۔فی الحال انتظامیہ اور ریسکیو ٹیمیں جائے حادثہ پر موجود ہیں اور بچاؤ کارروائی مسلسل جاری ہے