وزیر اعظم مودی اور رکن پارلیمنٹ کارتک پال کا عظیم انسانی اقدام

وزیر اعظم نریندر مودی اور رکن پارلیمنٹ کارتک چندرا پال نے تین مستحق مریضوں کے علاج کے لیے مالی امداد فراہم کی، جس سے ضرورت مند خاندانوں کو بڑا سہارا ملا۔ اس اقدام کو مقامی افراد اور بی جے پی لیڈر شوبھندو ادھیکاری نے سراہا۔

گنجریا بازار: وزیر اعظم نریندر مودی اور معزز رکن پارلیمنٹ کارتک چندرا پال نے ایک بار پھر اپنی عظیم القلبی اور عوامی خدمت کے عزم کا مظاہرہ کیا ہے۔ تین مستحق مریضوں کے علاج کے لیے مالی امداد کی منظوری دے کر انہوں نے انسانی ہمدردی کی ایک شاندار مثال قائم کی ہے۔

موصولہ اطلاعات کے مطابق درج ذیل مریضوں کو امداد فراہم کی گئی ہے:

محمد شاہین پرویز (عرف نیلو، گیسل 1 پنچایت): ₹1,93,305

بی بی نوری خاتون (کرن دیگھی): ₹2,00,000

عبد الستار انصاری (چوپرا بادی، پچھم پارہ): ₹3,00,000

معروف مغربی بنگال بی جے پی لیڈر شوبھندو ادھیکاری نے اس مالی امداد پر وزیر اعظم اور ایم پی کارتک پال کا تہہ دل سے شکریہ ادا کیا اور اسے ایک “بہت بڑا اور قابل تعریف اقدام” قرار دیا۔

یہ اطلاع توصیف رضا، گنجریا بازار سے موصول ہوئی ہے، جنہوں نے بتایا کہ اس امداد سے ضرورت مند خاندانوں کو بہت بڑا سہارا ملا ہے۔ انہوں نے کہا کہ علاج کی مہنگی لاگت کے سبب کئی غریب خاندان سخت مشکلات کا شکار تھے، لیکن اس حکومتی امداد سے انہیں امید کی کرن نظر آئی ہے۔

مقامی افراد بشمول جناب محمد شہباز عالم پروفیسر سیتل کوچی کالج، کوچ بہار، مغربی بنگال نے بھی اس اقدام کو سراہا اور وزیر اعظم اور ایم پی کارتک پال کی جانب سے عوامی فلاح و بہبود کے لیے کی جانے والی کوششوں کو قابلِ تحسین قرار دیا۔