ڈاکٹر صادق الاسلام کی جانب سے ساڑیوں کی تقسیم

انقلاب فاؤنڈیشن کے چیئرمین ڈاکٹر صادق الاسلام نے عید الفطر پر غریب خواتین میں ساڑیاں تقسیم کر کے سماجی ہم آہنگی کا پیغام دیا۔

تر دیناج پور: عید الفطر کی خوشیوں میں سب کو شامل کرنے کے جذبے کے تحت انقلاب فاؤنڈیشن کے چیئرمین اور معروف سماجی کارکن ڈاکٹر صادق الاسلام (ٹی ایم سی لیڈر) نے آج بتاریخ 30 مارچ، 2025 دن میں 12 بجے غریب خواتین میں ساڑیاں تقسیم کیں۔ یہ اقدام اس مقصد کے تحت کیا گیا کہ عید کی خوشیوں میں وہ خواتین بھی شامل ہو سکیں جو مالی مشکلات کی وجہ سے نئے لباس سے محروم رہتی ہیں۔
ڈاکٹر صادق الاسلام، جو کہ جامعہ ملیہ اسلامیہ، نئی دہلی سے پی ایچ ڈی ہولڈر اور ایک فعال سیاست داں ہیں، گزشتہ دس سالوں سے غریبوں، بے سہاروں، مصیبت زدہ اور آفت رسیدہ افراد کی مدد میں پیش پیش رہے ہیں۔ ان کی خدمات میں نہ صرف مالی امداد شامل ہے، بلکہ وہ جیلوں میں بے قصور قیدیوں کی قانونی پیروی کرکے ان کی رہائی کے لیے بھی کوشاں رہتے ہیں۔ اس کے علاوہ، وہ روزانہ عدالتوں اور تھانوں میں بے گناہوں کی مدد کرتے ہیں اور ہسپتالوں میں پہنچ کر مریضوں کی عیادت کے ساتھ ساتھ انہیں مالی مدد بھی فراہم کرتے ہیں۔
ڈاکٹر صادق الاسلام کا سیاسی سفر بھی نمایاں رہا ہے۔ وہ پہلے انڈین نیشنل کانگریس سے وابستہ تھے اور اسلام پور سے بلاک پریسیڈنٹ کے عہدے پر فائز رہے۔ انہوں نے کانگریس کے ٹکٹ پر ایم ایل اے کا انتخاب بھی لڑا، اگرچہ کامیابی حاصل نہ ہوئی لیکن عوام کے دلوں میں اپنی جگہ بنانے میں کامیاب رہے۔ ان کے والد مرحوم 1975 میں اپنے پنچایت کے پردھان رہ چکے ہیں، اس طرح سیاست ان کے خاندانی پس منظر کا بھی ایک حصہ رہی ہے۔
عید الفطر کی مناسبت سے ڈاکٹر صادق الاسلام نے عوام کے نام اپنے پیغام میں کہا:
“عید خوشیوں اور محبتوں کو بانٹنے کا تہوار ہے۔ ہماری کوشش رہی ہے کہ ضرورت مندوں کو بھی اس خوشی میں شامل کیا جائے تاکہ وہ بھی عید کی مسرتوں سے محروم نہ رہیں۔ خدمتِ خلق ہی اصل عبادت ہے اور ہمیں چاہیے کہ ہم اپنی استطاعت کے مطابق غریبوں، ناداروں اور ضرورت مندوں کی مدد کریں۔ اللہ تعالیٰ ہم سب کو مزید ہمت اور حوصلہ دے کہ ہم انسانیت کی خدمت کر سکیں۔”
انقلاب فاؤنڈیشن کے اس اقدام کو مقامی لوگوں نے بے حد سراہا اور ڈاکٹر صادق الاسلام کی خدمات کو قدر کی نگاہ سے دیکھا جا رہا ہے۔ ان کی یہ مسلسل سماجی خدمات انہیں نہ صرف ایک ہمدرد سیاست دان، بلکہ ایک مخلص سماجی کارکن کے طور پر بھی نمایاں کرتی ہیں