چیف جسٹس کی جانب سے جسٹس یشونت ورماکے معاملے کی جانچ

جسٹس یشونت ورماکی جانچ: دہلی ہائی کورٹ کے چیف جسٹس نے تفصیلات طلب کر لی گئی

نئی دہلی: دہلی ہائی کورٹ کے چیف جسٹس کی جانب سے جسٹس یشونت ورماکے معاملے کی جانچ کے لیے تفصیلات طلب کر لی گئی ہیں۔ اس سلسلے میں دہلی پولیس کمشنر کو ایک خط ارسال کیا گیا تھا، جس میں جسٹس ورما کے گزشتہ چھ ماہ (یکم ستمبر 2024 سے) کے کال ریکارڈ اور آئی پی ڈی آر فراہم کرنے کی درخواست کی گئی تھی۔ موصولہ اطلاعات کے مطابق، کال ریکارڈ حاصل کر لیے گئے ہیں اور انھیں ایک پین ڈرائیو میں سپریم کورٹ کے چیف جسٹس (سی جے آئی) سنجیو کھنہ کو بھیج دیا گیا ہے، جب کہ آئی پی ڈی آر بھی جلد پیش کیے جائیں گے۔
مزید برآں، دہلی پولیس سے کہا گیا ہے کہ وہ جسٹس یشونت ورما کے سرکاری رہائش پر تعینات ذاتی سیکورٹی افسران اور سیکورٹی گارڈز کی گزشتہ چھ ماہ کی تفصیلات فراہم کرے۔
چیف جسٹس آف انڈیا (سی جے آئی) سنجیو کھنہ نے 21 مارچ کو دہلی ہائی کورٹ کے چیف جسٹس کو ایک خط لکھا، جس میں جسٹس یشونت ورما سے درج ذیل سوالات کے جوابات فراہم کرنے کو کہا گیا: ان کے رہائش گاہ کے ایک کمرے میں پائی گئی نقد رقم کی موجودگی کا جواز کیا ہے؟ مذکورہ نقدی کہاں سے آئی؟ 15 مارچ 2025 کی صبح اس کمرے سے جلی ہوئی نقدی کس نے ہٹائی؟

سی جے آئی نے جسٹس ورما کے سرکاری اور دیگر موبائل نمبروں کے گزشتہ چھ ماہ کے کال ریکارڈ بھی طلب کیے ہیں، جس کے لیے موبائل سروس فراہم کنندگان کو خط ارسال کیے جا سکتے ہیں۔ اس کے علاوہ، ہائی کورٹ رجسٹری کے ان سرکاری ملازمین کی تفصیلات بھی مانگی گئی ہیں جو گزشتہ چھ ماہ کے دوران جسٹس ورمہ کی رہائش گاہ پر تعینات رہے۔
یہ معاملہ ہائی کورٹ اور سپریم کورٹ کے درمیان ایک اہم پیش رفت کے طور پر دیکھا جا رہا ہے، اور آئندہ دنوں میں مزید تفصیلات سامنے آنے کا امکان ہے۔