منسٹر غلام ربانی کی تجویز سے زیب اکیڈمی میں بنگالی کلاس کا آغاز

زیب اکیڈمی میں بنگالی زبان کی کلاسز کا آغاز ہو گیا، جس کا مقصد طلباء کو مقامی ثقافت سے جوڑنا اور تعلیمی ترقی میں مدد دینا ہے۔

کولکاتا (ایجنسیاں): زیب اکیڈمی میں بنگالی زبان کی کلاس کا آغاز ہو گیا ہے۔ یہ قدم انچارج وزیر، حکومت مغربی بنگال، جناب محمد غلام ربانی صاحب کی گزشتہ سال اکیڈمی کے دورے کے دوران دی گئی تجویز پر اُٹھایا گیا ہے۔جناب غلام ربانی صاحب نے اس موقع پر اظہارِ خیال کرتے ہوئے کہا تھا کہ بنگالی زبان کی تعلیم کے ذریعے مقامی طلباء کو اپنے ماحول اور ثقافت سے جڑنے کا موقع ملے گا جو کہ ان کی ذاتی اور تعلیمی ترقی کے لیے فائدہ مند ثابت ہو گا۔
اکیڈمی کے منتظمین نے اس اقدام کو خوش آئند قرار دیتے ہوئے کہا ہے کہ بنگالی زبان کی کلاسز کا مقصد نہ صرف طلباء کو مقامی زبان سیکھنے میں مدد دینا ہے بلکہ انہیں اپنے اردگرد کی ثقافت اور زبان کو بہتر طور پر سمجھنے کا موقع فراہم کرنا ہے۔
مقامی زبان سیکھنے سے طلباء کو نہ صرف اپنے معاشرتی حلقے میں بہتر طور پر انضمام کرنے کا موقع ملے گا بلکہ یہ ان کی تعلیمی صلاحیتوں میں بھی اضافہ کرے گا۔ اکیڈمی کی انتظامیہ نے دعا کی ہے کہ اللہ تعالی طلباء کے لیے اس زبان کو سیکھنا اور سمجھنا آسان بنائے تاکہ وہ اس سے بھرپور استفادہ کر سکیں۔اکیڈمی کی اس نئی تدبیر سے مقامی طلباء میں بے حد خوشی کی لہر دوڑ گئی ہے، اور اُمید کی جا رہی ہے کہ اس اقدام سے مغربی بنگال کے علاقے میں زبان کی تعلیم کے حوالے سے ایک نیا دور شروع ہو گا۔