اکھیلش یادو کا بی جے پی پر بڑا حملہ: ڈبل انجن حکومت نہیں، ڈبل بلنڈر حکومت ہے
اکھیلش یادو نے بی جے پی کی “ڈبل انجن حکومت” کو “ڈبل بلنڈر حکومت” قرار دیتے ہوئے مہاکمبھ میں اس کی ناکامی اور گھوٹالے کا الزام لگایا۔ انھوں نے کہا کہ گنگا کی صفائی کے نام پر بجٹ ہڑپنے والے بدعنوان ہیں اور بی جے پی نے میرے مندر جانے کے بعد ہی گنگا جل سے دھلائی کی۔
سماج وادی پارٹی کے سربراہ اکھیلش یادو نے اتوار کو بی جے پی کی “ڈبل انجن حکومت” کو “ڈبل بلنڈر حکومت” قرار دیا۔ انہوں نے کہا، ’’بی جے پی کی ڈبل انجن حکومت، ڈبل بلنڈر حکومت ہے۔ مہاکمبھ کے انعقاد میں حکومت مکمل طور پر ناکام رہی ہے۔ اس میں بھی اس نے بہت بڑا گھوٹالہ کیا ہے۔‘‘
انہوں نے کہا، ’’گنگا کی صفائی کا دعویٰ کرنے والوں نے پورا بجٹ ہڑپ کر لیا۔ سڑکوں پر گڑھوں کو بھرنے کے نام پر سارا پیسہ اپنی جیب میں ڈال لیا۔‘‘ اتر پردیش کے سابق وزیر اعلیٰ نے کہا، “بی جے پی حکومت ایک بدعنوان اور بے ایمان حکومت ہے۔”
اکھیلش نے مزید کہا، “میں کانپور کے ایک مندر گیا تھا۔ میرے جانے کے بعد بی جے پی والوں نے مندر کو گنگا جل سے دھویا۔ وزیر اعلیٰ رہائش گاہ میں کئی وزیر اعلیٰ رہ چکے ہیں۔ وہ آئے اور گئے، لیکن کسی نے بھی مندر کو گنگا جل سے نہیں دھلوایا، لیکن میرے جانے کے بعد بی جے پی والوں نے وزیر اعلیٰ رہائش گاہ کو گنگا جل سے دھویا۔
