نوئیڈا انجینئر کی کار ڈوبنے سے موت، ریسکیو ناکام
نوئیڈا میں انجینئر یوراج کی کار پانی میں ڈوبی، ریسکیو ٹیم کی تاخیر اور انتظامیہ کی سستی سے موت واقع ۔
نوئیڈا میں رہنے والے سافٹ ویئر انجینئر یوراج کی کار کے پانی میں ڈوبنے سے ہونے والی موت نے علاقے میں تشویش کی لہر دوڑا دی ہے۔ یہ حادثہ رات 11:45 میں پیش آیا، جس کے بعد یوراج تقریباً دو گھنٹے تک مدد کے لیے پکار رہا، مگر انتظامیہ فوری کارروائی کرنے میں ناکام رہی۔حادثے کی اطلاع ملنے کے بعد رات 12:06 بجے فائر بریگیڈ کو کال کی گئی اور 12:25پرتین گاڑیاں جائے وقوعہ پر پہنچیں۔ ابتدائی ریسکیو کے دوران، چشم دید گواہوں کے مطابق، یوراج ڈوبتی ہوئی کار میں تقریباً دو گھنٹے تک مدد کے لیے پکار رہا، لیکن کوئی مؤثر اقدام نہیں کیا گیا۔ جب تربیت یافتہ غوطہ خور پانی میں نہیں اترے، تو ایک مقامی شخص نے ہمت دکھائی اور اپنی کمر میں رسی باندھ کر تقریباً 50 میٹر اندر تک گیا، لیکن تب تک کافی دیر ہو چکی تھی اور یوراج کا کوئی سراغ نہیں ملا۔
ریسکیو آپریشن میں فائر بریگیڈ اور پولیس موقع پر موجود تھی، مگر انتظامیہ کی سست روی کی وجہ سے کوئی کامیاب کارروائی نہیں ہو سکی۔ انتظامیہ کی سستی اور ریسکیو کی ناکامی پر عوام شدید سوالات اٹھا رہے ہیں۔ڈیزاسٹر مینجمنٹ کی ذمہ داری ضلع مجسٹریٹ (ڈی ایم) پر ہوتی ہے، مگر نوئیڈا کی ڈی ایم میدھا روپم چار دنوں میں ایک بار بھی حادثے کے مقام پر نہیں پہنچیں۔ مقامی لوگوں کا کہنا ہے کہ جہاں ڈی ایم کو ریسکیو کی قیادت کرنی چاہیے تھی، وہاں صرف ایک ایس ڈی ایم نمائشی طور پر موجود تھے۔ اس سستی کی وجہ سے حادثے کے چار دن بعد بھی یوراج کی کار پانی میں ہی پھنس کر رہ گئی ہے۔
حادثے والی رات 12:06 پر پہلی کال کی گئی، اور 15-20 منٹ بعد نالج پارک سے فائر کی گاڑیاں پہنچیں۔ بعد میں سورج پور سے ہائیڈولک پلیٹ فارم اور ایڈوانس ریسکیو ٹینڈر منگوایا گیا۔ سب انسپکٹر شیو پرتاپ اور ایس ایچ او بھی موقع پر موجود تھے۔ فائر ڈیپارٹمنٹ نے فوری طور پر غوطہ خور اور ایس ڈی آر ایف طلب کرنے کی درخواست کی، لیکن ایس ڈی آر ایف ٹیم صبح 4 بجے پہنچی۔ ابتدائی ریسکیو آپریشن صبح 6 بجے تک جاری رہا، مگر نتیجہ صفر رہا اور یوراج کو بچایا نہیں جا سکا۔یہ واقعہ انتظامیہ کی غیر توجہی اور ریسکیو کی ناکامی کی واضح مثال ہے۔ فوری کارروائی، تربیت یافتہ عملہ، اور مؤثر ریسکیو پلان کے بغیر جانیں بچانا مشکل ہے، اور یہ واقعہ اس بات کا آئینہ دار ہے کہ انتظامیہ کو ایسے حالات میں زیادہ ذمہ داری اور توجہ دینے کی ضرورت ہے۔
ا
