اڈانی گروپ کے شیئرز میں زبردست تیزی

اڈانی گروپ کے تمام لسٹڈ شیئرز میں زبردست تیزی دیکھی گئی، اڈانی انٹرپرائزز، گرین انرجی، پورٹس اور دیگر کمپنیوں کے اسٹاکس میں 2% سے 4% تک کا اضافہ ہوا۔

نئی دہلی: آج مارکیٹ کھلتے ہی اڈانی گروپ کے شیئرز میں زبردست تیزی دیکھنے کو ملی، تمام لسٹڈ شیئرز سبز نشان میں ٹریڈ کرتے نظر آئے اور سرمایہ کاروں میں خاصا جوش و خروش دیکھا گیا۔
سب سے زیادہ اچھال اڈانی انٹرپرائزز میں آیا، جو صبح 9:45 پر 92.10 روپے یعنی 4.12 فیصد اضافے کے ساتھ 2,329 روپے تک پہنچ گیا۔ اسی وقت اڈانی گرین انرجی کے شیئرز بھی 3.72 فیصد بڑھ کر 892.75 روپے تک جا پہنچے، جب کہ اڈانی پورٹس میں 2.93 فیصد کی تیزی دیکھی گئی اور اس کا شیئر 1,165 روپے پر ٹریڈ کرتا نظر آیا۔

ادھر اڈانی ٹوٹل گیس نے بھی اچھا مظاہرہ کیا اور 2.86 فیصد اضافے کے ساتھ 595.95 روپے تک پہنچ گیا، اڈانی پاور کے شیئرز 2.30 فیصد کی مضبوطی کے ساتھ 520.15 روپے پر نظر آئے۔دیگر کمپنیوں کی بات کریں تو اڈانی انرجی سلوشنز نے بھی مثبت رجحان برقرار رکھا اور 1.15 فیصد اضافے کے ساتھ 847 روپے تک پہنچا۔ اڈانی گروپ کی میڈیا کمپنی این ڈی ٹی وی میں بھی 2.24 فیصد کا اضافہ دیکھا گیا اور شیئرز 116.94 روپے تک پہنچے۔اگرچہ اے سی سی (ACC) کا مظاہرہ نسبتاً سست رہا، پھر بھی یہ معمولی اضافے کے ساتھ 1,999.65 روپے پر ٹریڈ ہوتا رہا۔