ریکھا گپتا نے دہلی کی وزیر اعلیٰ کے طور پر حلف اٹھا لیا

بی جے پی کی ریکھا گپتا نے دہلی کی چوتھی خاتون وزیر اعلیٰ کے طور پر حلف اٹھا لیا، پارٹی 27 سال بعد اقتدار میں واپس آئی۔ شالیمار باغ سے عام آدمی پارٹی کی وندنا کماری کو شکست دے کر وہ وزیر اعلیٰ بنی۔

نئی دہلی: بی جے پی کی رہنما ریکھا گپتا نے دہلی کی چوتھی خاتون وزیر اعلیٰ کے طور پر حلف اٹھا لیا۔ انھوں نے رام لیلا میدان میں عہدے کا حلف لیا۔ یہ دن بی جے پی کے لیے تاریخی اہمیت کا حامل ہے کیونکہ پارٹی 27 سال بعد دہلی میں اقتدار میں واپس آئی ہے۔
ریکھا گپتا سے پہلے سشما سوراج، شیلا دکشت اور آتیشی دہلی کی وزیر اعلیٰ رہ چکی ہیں۔ انھوں نے شالیمار باغ اسمبلی نشست سے عام آدمی پارٹی کی امیدوار وندنا کماری کو 29,000 سے زائد ووٹوں کے فرق سے شکست دی۔
ریکھا گپتا کے ساتھ پرویش ورما، آشیش سود، پنکج سنگھ، منجندر سنگھ سرسا، کپل مشرا اور رویندر اندر جیت نے بھی حلف لیا۔